GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin qüvvələri türkmən milli-mədəni fəal, idman jurnalisti, eləcə də “Bampuşe Qonbəd” və “Türkmən Sport” saytlarının rəhbəri olan Hamed Purməndi yaxalayaraq naməlum istiqamətdə aparıblar.
Fəal oktyabrın 31-də Golestan Sabah Süd Məhsulları Şirkəti tərəfindən ona qarşı irəli sürülmüş “təhqiramiz və nalayiq ifadələrlə böhtan yaymaq” ittihamı üzrə müdafiə çıxışı etmək üçün Qonbəde-Kavus məntəqəsinin məhkəməsinin 2-ci şöbəsinə çağırılıb və orda həbs edilib.
Bir müddət əvvəl Hamed Purmənd sosial şəbəkələrdə insanları #Sabahı_boykot_edək həştəqi ilə sözügedən şirkətin məhsullarını boykot etməyə çağırmışdı.
“Türmən Səhranın” xəbər agentliklərinin yaydığı məlumata görə, Hamed Purmənd əvvəllər də milli-mədəni fəaliyyətlərinə görə dəfələrlə təhlükəsizlik qüvvələri tərəfindən həbs edilib.
