İranda 50-yə yaxın zindanında edama qarşı aclıq aksiyası keçirilir

GADTB: İranın 46 zindanında saxlanılan siyasi məhbuslar edam hökmlərinin dayandırılması tələbi ilə yenidən aclıq aksiyasına əl atıblar. Bildirilib ki, son iki həftə ərzində hər gün 7 nəfər dar ağacından asılıb.

Məlumata görə, məhbuslar beynəlxalq ictimaiyyətin və insan haqları müdafiə qurumlarının diqqətini İranda artan edam cəzalarına cəlb etmək məqsədi ilə aclıq aksiyasına başlayıblar. Aclıq aksiyası 71-ci dəfədir ki, hər həftənin ikinci günündən başlayaraq 24 saat müddətinə keçirilir.

Qeyd olunub ki, mayın 22-dən bu günə qədər İran zindanlarında üçü qadın olmaqla ən azı 67 məhbus edam edilib. / Azad İran