GADTB Güney Azərbaycan Demokratik Türk Birliyi
GADTB: İranda təxminən 11 milyard dollarlıq neft gəlirinin mənimsənilməsi ilə bağlı genişmiqyaslı korrupsiya gündəmə gəlib.
“Iran International”ın məlumatına görə, sxemdə yüksək vəzifəli dövlət və təhlükəsizlik rəsmilərinin övladlarının da iştirak etdiyi bildirilir. Məsələ İran parlamentinin iqtisadi komissiyasının üzvü Hüseyn Səmsaminin açıqlaması ilə alovlanıb.
Millət vəkili sxemin əsas iştirakçılarından biri kimi Hüseyn Ağayarinin adını çəkib. Məlumata görə, onun nəzarətində olan şəbəkədə Əli Şəmxaninin ailə üzvü və yüksək vəzifəli şiə ruhanisi Müctəba Bormehenin oğlu da daxil olmaqla bir sıra tanınmış şəxslərin övladları yer alıb.
Ağayarinin nəzarətindəki şirkətlər 40 neft tankeri əldə edib və sonradan beynəlxalq bazarlarda satmaq məqsədilə təxminən 90 milyon barel xam neft alıblar. Ancaq həmin neftdən əldə olunan gəlirin dövlət büdcəsinə qaytarılmadığı vurğulanır.
“Iran International” Ağayarinin adının sxemin arxasındakı əsas şəxsləri gizlətmək məqsədilə önə çıxarıla biləcəyini açıqlayıb.
Şəbəkəyə faktiki olaraq İran ETTELAAT Nazirliyi nəzarət edir və onun rəhbəri kimi Energetika Nazirliyində “Şayan” ləqəbi ilə tanınan yüksək vəzifəli məmurun adı çəkilir./Azad İran
