Cümə axşamı , Mart 28 2024
azfa

İranın Məhkəmə Sisteminin sədri etirazçı əhalini hədələdi

GADTB-nin Mətbuat Mərkəzinə daxil olan məlumata görə, İranın Məhkəmə Hakimiyyətinin rəisi Qulamhüseyn Mohseni Ejei etiraz edən xalqı hədələyərək, bildirib ki, “xalqın və cəmiyyətin hüzurunu pozanlar”a qarşı “qanuni” qabaqlayıcı tədbirlər görüləcək.

O, Məhkəmə Sisteminin bütün gücü ilə ərzaq məhsullarının dəfələrlə bahalaşdırılması yönündə verdiyi qərarla bağlı dövləti dəstəklədiyi və onun köməkçisi olduğunu deyib.

Ejei əlavə edib ki, rəhbərlik etdiyi qurum da daxil olmaqla bütün hərbi, polis və əmniyət orqanları “xalqın güzəranının yaxşılaşmasına xidmət edən iqtisadi islahatlar”ın icra edilməsi üçün “lazım olan” bütün tədbirləri görməlidir.

Qeyd edək ki, İranda yalnız 6 sinif dini təhsili olan prezident İbrahim Rəisinin hökumətinin iqtisadi islahatlar adlandırdığı qərarların qəbul edilməsi ilə, demək olar ki, bütün növ zəruri ərzaq mallarının qiyməti dəfələrlə qalxıb. Bu isə İranın əksər bölgələrində xalq etirazlarına rəvac verib.

Həmçinin yoxlayın

Təbrizin tarixi bazarında restoran və kafelər bağlandı

 GADTB-nin Mətbuat Mərkəzinə daxil lan məlumata görə, son bir neçə gündə Təbrizin tarixi bazarında fəaliyyət …

Qərbi Azərbaycan İcması İrəvanı Fransanın oyunlarına getməməyə səslədi

GADTB: Qərbi Azərbaycan İcması Ermənistan hökumətini və ictimaiyyətini tarixdən dərs çıxararaq, Fransanın oyunlarına getməməyə çağırıb. …