Şənbə , Mart 15 2025
azfa

İranın nüvə proqramını dayandırmaq üçün hərbi hücumdan istifadə edilə bilər

GADTB-nin Mətbuat Mərkəzinə daxil olan məlumata görə, İranın nəzarətdən kənar sürətlə və çox miqdarda uran zənginləşdirməsi təhlükəli vəziyyət yaradıb.

Beynəlxalq Atom Enerjisi Agentliyinin (BAEA) baş direktoru Rafael Qrossi “The Telegraph” və “The Times” qəzetlərinin hesabatlarına istinad edərək, BMT Təhlükəsizlik Şurasının iclasında ilk dəfə olaraq İrana hərbi müdaxilənin mümkünlüyündən danışıb.

Qrossi rəsmi olaraq deyib: “İran uranın zənginləşdirilməsini dayandırma prosesinə başlamasa, BAEA-nın Rəhbərlər Şurası Tehranın nüvə proqramını dayandırmaq üçün istənilən üsuldan, eləcə də hərbi hücumdan istifadə edə bilər”.

Onun sözlərinə görə, İran 60% zənginləşdirilmiş uran ehtiyatlarını 275 kiloqrama çatdırıb. Qrossi qeyd edib ki, qeyri-nüvə ölkəsi olaraq İranın uranı bu qədər zənginləşdirməsi onu narahat edir.

O bildirib ki, heç bir qeyri-nüvə ölkəsi bu qədər uran zənginləşdirmir.

Həmçinin yoxlayın

BMT: “İran hökuməti qadınları, milli azlıqları və müxalifəti sıxışdırmağa davam edir”

GADTB: Dünən BMT-nin Faktaraşdırıcı Komitəsini hesabatında bildirib ki, İran rəsmiləri ölkədə sistemli şəkildə insan hüquqlarını …

Güney Azərbaycanda 3000 illik tarixi kitabə dağılmaq üzrədir

GADTB: Güney Azərbaycanın Əhər bölgəsinin Şüşə kəndində 3000 illik tarixi kitabə İranın Mədəni İrs İdarəsinin …