İranın yeni prezidenti onu işləməyə imkan vermədiklərini deyir

GADTB-nin Mətbuat Mərkəzinə daxil olan məlumata görə, Məsud Pezeşkian hakimiyyət daxilində müəyyən bir qruplaşmanın onu ləkələməyə çalışdığını və işləməyə mane olduğunu dilə gətirib.

Pezeşkian deyib: “Ölkədə motivasiya yoxdur, bizə çalışmağa imkan vermir, oyuna buraxmırlar. Ləyaqətli və bacarıqlı şəxslərin, kadrların işə cəlb olunmasına icazə vermirlər, ona görə ki, bu kadrlar işə cəlb olunduqları halda sözügedən hakimiyyətdaxili qruplar kölgədə qalacaq, güc mərkəzlərini əllərində saxlaya bilməyəcəklər”.

Pezeşkianın sözlərinə görə, dəyişiklik üçün yeni plan hazırlanmalıdır. O, ölkədə insanların çətinlik içərisində yaşadıqlarını vurğulayıb: “Xalq bizim sözlərimizdən uzaqdır, söz vermişik amma yerinə yetirmirik və bizim riyakarlığımızdan qorxur, verdiyimiz yalan_vədlərə görə bizdən narazıdır”.

Pezeşkian HƏMAS liderinin ölkədə öldürülməsinə görə hökuməti tənqid edib. O, qeyd edib ki, hökumətin ayırdığı pulların hara getdiyi də bəlli deyil.