GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi azərbaycanlı fəalların toyuna mane olub.
Rejimin ETTELAAT İdarəsi Təbrizdə tanınmış azərbaycanlı milli fəallar Ulduz Qasimi və Əmir Səttarinin bu gün keçirilməsi nəzərdə tutulan toy mərasimlərinin keçirilməsinə icazə verməyib.
Bu haqda Əmir Səttari özünün İnstagram səhifəsində məlumat paylaşıb.
Məlumata görə, toy mərasiminin keçirilməsi üçün nəzərdə tutulan salon məmurlar tərəfindən möhürlənərək bağlanıb.
Qeyd edək ki, gənclərin toy dəvətnamələri Azərbaycan dilində, latın və ərəb əlifbalarında yazılıb.
Azərbaycanlı fəallar Ulduz Qasimi və Əmir Səttari bundan əvvəl dinc və mədəni fəaliyyətlərinə görə dəfələrlə həbs və təzyiqlərə məruz qalıblar.
