GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, işğalçı fars rejim dünən 2019-cu il yanvar ayının 30-da azərbaycanlı fəal Şahin Bərzgəri həbs edib. Fəalın həbsi onun rejim tərəfindən 3 ay ədalətsizcəsinə həbsə məhkum olunması ilə bağlı. Fəal artıq həbs müddətini keçirmək üçün rejimin Təbrizdə yerləşən zindanına salınıb.
Qeyd edək ki, Şahin Bərzgər Azərbaycan milli rəqsi ustasıdır və əsgərlik xidmətində olarkən Təbrizdə azərbaycanlı musiqi ustadı Həsən Dəmirçinin dəfn mərasimində iştirak edəndən sonra yaxalanmışdır. Fəal 70 milyon tümənlik mülki vəsiqə ilə zaminə buraxılmışdır.
Azərbaycanlı fəal həmçinin 3 ay əlavə hərbi xidmətlə də cəzalandırılıb və Piranşəhr sərhəd bölgəsində əlavə 3 ay hərbi xidmətdə saxlanılıb.
İşğalçı fars rejimin məhkəməsi fəalı dəfn mərasimində bozqurd işarəsi göstərdiyi üçün isə 3 ay həbsə məhkum edib.
Rejimin Apelyasiya məhkəməsi də azərbaycanlı fəala qarşı həmin ədalətsiz hökmü olduğu kimi qüvvədə saxlayıb və hazırda fəal həbs olunub.
