İsrail və ABŞ ittifaqı “İran oxu”nu zəiflədib

GADTB: İsrail Baş Nazirliyinin Aparatı sosial şəbəkə X-də yayımladığı açıqlamada İsrail və ABŞ arasındakı ittifaqın “İran oxu”nu zəiflətdiyini bildirib.

Açıqlamada qeyd olunub ki, hazırda ABŞ və İsrail əvvəlkindən daha güclü, İran İslam Respublikası isə əvvəlkindən daha zəif vəziyyətdədir.

Baş Nazirliyin Aparatı bu vəziyyətin Yaxın Şərqdə və onun hüdudlarından kənarda sülh üçün yeni yolların açılmasına şərait yaratdığını bildirərək, “Güc vasitəsilə sülh” ifadəsini işlədib.

Açıqlamada həmçinin İbrahim razılaşmalarına toxunulub. Bildirilib ki, İsrail altı il əvvəl ABŞ Prezidenti Donald Trampın əməkdaşlığı ilə dörd ərəb ölkəsi ilə bu razılaşmaları imzalayıb.

İsrail Baş Nazirliyinin Aparatının sözlərinə görə, İbrahim razılaşmalarının yaratdığı perspektiv hazırda əvvəlkindən daha böyük əhəmiyyət daşıyır.