
GADTB: İsrail ordusunun Baş Qərargahının danışıqlar qrupunun keçmiş komandiri Doron Hadar İsrailin “Ynet” saytında dərc olunan analitik məqaləsində yazıb ki, İslam Respublikası ABŞ-la danışıqları yalnız razılaşma əldə etmək vasitəsi kimi deyil, həm də vaxt qazanmaq, Vaşinqtonun hərbi qərarlarını təxirə salmaq və ABŞ daxilində siyasi təzyiqi artırmaq üçün bir vasitə kimi nəzərdən keçirə bilər.
Hadar ABŞ-da keçirilən aralıq seçkilərdən sonra diplomatik səylərin yenidən başlanmasına və Qətərin vasitəçilik roluna toxunaraq, əsas fikir ayrılıqlarının hələ də aradan qalxmadığını bildirib. Onun sözlərinə görə, Vaşinqton nüvə məsələsində irəliləyiş və Hörmüz boğazının açılmasını tələb edir. Tehran isə danışıqların davam etdirilməsini sanksiyaların ləğvi, dondurulmuş aktivlərin azad edilməsi və digər tələblərinin yerinə yetirilməsi ilə şərtləndirir. Hədar hesab edir ki, bu fikir ayrılıqları razılaşma yolunda maneə olmaqla yanaşı, danışıqların uzadılması üçün də vasitəyə çevrilə bilər.
İsrail ordusunun keçmiş rəsmisi məqsədi razılaşma əldə etmək olan danışıqlarla tərəflərdən biri üçün danışıqlar prosesinin özünün fayda verdiyi danışıqlar arasında fərq qoyub. O vurğulayıb ki, İslam Respublikası eyni zamanda həm razılaşma əldə etmək, həm də danışıqların uzanmasından faydalanmaq istəyə bilər.
Hadarın yazdığına görə, əsas sual Tehran və Vaşinqtonun əslində eyni məqsədlə danışıqlar aparıb-aparmadığı, yoxsa hər iki tərəfin uğuru fərqli meyarlarla qiymətləndirib-qiymətləndirmədiyidir.
GADTB Güney Azərbaycan Demokratik Türk Birliyi