GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İsrailin düşüncə təşkilatı olaraq tanınan Milli Təhlükəsizlik İnstitutunun bu il üçün yaydığı hesabatda bildirilib ki, Tehranın Suriyadakı varlığını məhv etmək üçün İsrail ordusu İran adlanan ölkəyə girə bilər.
İsrailin 2019-cu ildə qarşılaşa biləcəyi mümkün problemlərlə bağlı hesabat yayan təşkilat ən ciddi təhdidin İran, Suriya və Hizbullahla baş verəcək müharibə olduğunu qeyd edib. Bundan əlavə, müharibə başlayacağı təqdirdə İsrailin HƏMAS-la da döyüşmək məcburiyyətində qalacağı bildirilib.
Hesabatda ABŞ Prezidenti Donald Trampın əsgərlərini Suriyadan geri çəkməsindən sonra İsrailin İrana girməsinə ehtiyac yaranacağı vurğulanıb.
