Kərbəla şiələri “Rədd ol Xamenei və Rədd ol İran” şüarı ilə İran konsulluğunu yandırdılar

GADTB-nin Mətbuat Mərkəzinə daxil olan məlumata görə, İranın terroru dəstəkləməklə İraqda sabitliyi pozması İraq şiələrinin ciddi etirazına səbəb olub.

Dünən və gecə boyu İraq şiələri Kərbəlada İrana və Xameneiyə qarşı şüarlar səsləndirməklə İranın Kərbəladakı konsulluğunu yandırdılar.

Artıq bununla bağlı İraqın İrandakı səfiri bu ölkənin Xarici İşlər Nazirliyinə çağırılıb və ona etiraz notası təqdim olunub.

İraq səfirinə bildirilib ki, İraq hökuməti beynəlxalq konvensiyaya uyğun olaraq İranın bu ölkədəki diplomatik nümayəndəliklərinin qorumalıdır.

Səfir rəsmi Tehranın etirazını öz hökumətinə çatdıracağını bildirib.