GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Çin koronavirusu Güney Azərbaycanda Traxtur komandasının yarışları və məşqlərinin yenə təxirə salınmasına səbəb olur.
Komandasının baş məşqçisi Sakit İlhami komandanın futbolçularının dördündə yoluxma halının olduğunu açıqlayıb.
İlhami mayın 24-də keçirdiyi mətbuat konfransında bildirib ki, Traktur futbol komandasının sağlamlıq və gigiyena qaydalarına əməl etməsinə baxmayaraq, koronavirus laboratoriya testlərinin nəticəsində komandanın 4 futbolçusunda yoluxma halı aşkarlanıb.
O həmçinin deyib ki, bu vəziyyətdə komandanın digər futbolçuları virus təhlükəsindən uzaq durmaq üçün komandanın məşqlərində İştirak etməyəcək.
Traktur komandasının baş məşqçisi digər futbolçularından da korona testi alınacağını bildirib və deyib ki, “komandanın məşqləri bütün futbolçuların test nəticələri açıqlanana qədər təxirə salınır.”
Qeyd edək ki, daha öncə komandanın rəhbərlərində olan Əyyub Zülfəqari futbolçuların testlərinin neqativ olduğunu açıqlamışdı.
