GADTB Güney Azərbaycan Demokratik Türk Birliyi
GADTB: Cümə axşamı, 16 bəhmən 1404-cü il tarixində saat 18:00-da azərbaycanlıların sevilən və klassik teatr əsərlərindən olan «Məşdi İbad» tamaşası rejissor Araz İsanejadın quruluşunda ilk dəfə səhnələşdirildi.
Urmiyanın Turan Türk Teatr Qrupu peşəkar sənətçi heyətini bir araya gətirərək və gizli istedadları üzə çıxararaq Urmiyada türkcə–azərbaycanlı teatrı sahəsində ciddi və önəmli bir addım atıb.
Tamaşa Urmiya şəhərinin mədəniyyətsevər sakinlərinin geniş iştirakı ilə keçirilib və tamaşaçılar tərəfindən böyük maraq və alqışla qarşılanıb.
Qeyd edək ki, «Məşdi İbad» operası 1910-cu ildə Azərbaycanın görkəmli bəstəkarı, Koroğlu, Arşın mal alan və digər məşhur operaların müəllifi Üzeyir Hacıbəyov tərəfindən yazılmış, bir il sonra — 1911-ci ildə səhnəyə qoyulmuşdur.
Bu məşhur operanın əsasında çəkilmiş bədii film azərbaycanlılar arasında xüsusi populyarlıq qazanmış, şirin və yadda qalan dialoqları ilə hər il milli bayramlarda nümayiş etdirilmişdir. Xalq arasında deyildiyi kimi, «Məşdi İbad» hər nümayişində yeni bir təravət qazanır.
