Molla rejimi 100-dən çox rejim əleyhdarının əmlakını müsadirə edib

GADTB: Molla rejimin məhkəmə sistemi rejim əleyhdarlarının- 100-dən çox tanınmış şəxsin əmlakının müsadirəsi və bank hesablarının bloklanması barədə göstəriş verib.

SEPAH-a yaxın “Fars” agentliyi bildirib ki, Tehran prokuroru “xaricdəki düşmənləri dəstəkləyən” şəxslərin müəyyən edilərək onların əmlaklarının müsadirə olunması və bank hesablarının bağlanması barədə göstəriş verib.

Məlumata əsasən, bu siyahıya aktyorlar, idmançılar, media rəhbərləri, jurnalistlər və ölkə xaricində fəaliyyət göstərən bəzi xəbər şəbəkələrinin idarəçiləri daxildir.

İran hakimiyyətinin uzun illərdir rejim əleyhdarlarına qarşı təzyiq və susdurma siyasəti həyata keçirdiyi məlumdur. Buna baxmayaraq, sosial şəbəkələrdə aparılan müşahidələr göstərir ki, son illərdə daha çox insan açıq şəkildə hakimiyyətə qarşı mövqe nümayiş etdirir.