Tramp İranda vurulan qırıcı pilotunun xilas edilməsini təsdiqlədi

GADTB: ABŞ prezidenti Donald Tramp bu səhər Amerika ordusunun tarixdəki ən cəsarətli axtarış-xilasetmə əməliyyatlarından birini həyata keçirdiyini və İran üzərində vurulan F-15 qırıcı təyyarəsinin ikinci pilotunu tapdığını açıqlayıb.

Trampın sözlərinə görə, pilot düşmən xətlərinin arxasındakı dağlıq ərazidə qəzaya uğrayıb və yaralanıb, lakin hazırda təhlükəsizdir. ABŞ onu xilas etmək üçün “dünyanın ən ölümcül silahları” ilə təchiz olunmuş onlarla təyyarə səfərbər edib.

Tramp dünən başqa bir pilotun xilas edildiyini təsdiqləyib, lakin ikinci əməliyyatı təhlükə altına almamaq üçün bu, o vaxt bildirilməyib.

O, qeyd edib ki, bu, hərb tarixində iki amerikalı pilotun düşmən ərazisinin dərinliyində ayrıca xilas edilməsinin ilk halıdır.