Molla rejimi azərbaycanlı fəalı müdafiə etmiş vəkili sorğu-suala tutdu

GADTB-nin Mətbuat Mərkəzinə daxil olan məlumata görə, azərbaycanlı milli fəal və keçmiş siyasi məhbus Salar Tahir Əfşarı müdafiə etmiş vəkil Fərzin Rüstəmi molla rejimin ETTELAAT məmurları tərəfindən sorğu-suala tutulub.

İranın ETTELAAT İdarəsinin əməkdaşları sentyabrın 7-də azərbaycanlı hüquqşünasa zəng edib və onu idarəyə çağırıblar.

Sentyabrın 8-də idarəyə gedən Fərzin Rüstəmi bir neçə saatlığına saxlanılıb və sorğu-suala tutulub.

Rejimin ETTELAAT məmurları hüquqşünası azərbaycanlı fəal Salar Tahir Əfşara maddi dəstək göstərməkdə günahlandırıb, məsələni siyasiləşdirməyə cəhd ediblər.