GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi azərbaycanlı fəalların həbsini ictimailəşdirən azərbaycanlı vəkil Sina Yusifini həbs edib.
Şərqi Azərbaycan Vəkillər Kollegiyasının İnsan Haqları Komissiyasının sədr müavini olan Sina Yusifi molla rejiminin məmurlarının Təbrizdə fəalları həbs etmələri ilə bağlı məlumat verdiyi üçün yaxalanıb.
Azərbaycanlı vəkil Sina Yusifi son günlər etiraz aksiyaları zamanı Təbrizdə 1700 nəfərin həbs edildiyini açıqlamışdı.
Sina Yusifi demişdi: “Azərbaycan Vəkillər Kollegiyasının İnsan Hüquqları Komissiyası son etiraz aksiyalarında yaxalanan şəxslərə hüquqi dəstək göstərmək üçün “Müdafiə Komitəsi” yaradıb”.
Azərbaycanlı vəkili nədə ittiham etmələri barədə hələlik dəqiq məlumat əldə etmək mümkün olmayıb.
Qeyd edək ki, Sina Yusifi vəkimi son illər Güney Azərbaycanda azərbaycanlı mədəni fəalların hüquqlarını qorumaq, onlara vəkillik etməkdə fəal iştirak edib.
