Molla rejimi azərbaycanlı milli fəalı 6 il həbsə məhkum edilib

GADTB-nin Mətbuat Mərkəzinə daxil olan məlumata görə, irqçi fars-molla rejimi azərbaycanlı milli fəalı 6 il həbsə məhkum edib.

Tehran İnqilab Məhkəməsi azərbaycanlı fəal Ramin Əliniyanı “toplaşmaq və əlbir olmaq”, “ölkənin təhlükəsizliyinə qarşı fəaliyyət göstərmək” və “İslam Respublikası quruluşuna qarşı təbliğat aparmaq” ittihamları ilə ümumilikdə 6 il müddətinə həbsə məhkum edib.

Bundan əlavə, azərbaycanlı milli fəal 2 il ərzində siyasi partiyalara, qruplara və təşkilatlara üzv olmaq, sosial şəbəkələrdən istifadə etməkdən, medialara açıqlama vermək və s. fəaliyyətlərdən, ölkəni tərk etmək hüququndan da məhrum edilib.

Qeyd edək ki, Ramin Əliniya ötən ilin noyabrında Ərdəbil şəhərində həbs edilmişdi.