GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi dünən Güney Azərbaycan Milli Hərəkatının fəalı Həmid Purvəlini Səna Məhkəmə-Ədliyyə Sisteminin elektron bildirişi vasitəsilə Təbrizdə Cinayət Məhkəməsinin 108-ci şöbəsinə çağırıb.
Məlumata görə, azərbaycanlı milli fəal “qanunsuz toplantılarda iştirak etməklə ictimai asayişin pozulmasında” ittiham edilərək, iyunun 2-də sözügedən məhkəmədə olması tələb edilib.
Qeyd edək ki, azərbaycanlı milli fəal bundan əvvəl 16 iyul 2022-ci ildə Təbrizdə Urmiya gölünün qurudulmasına qarşı keçirilən aksiyada başqa bir neçə fəalla birgə həbs edilmişdi. Təbriz zindanına köçürülən Həmid Purvəli həmin il 18 iyul tarixində girov qarşılığında məhkəməyə qədər zaminə buraxılmışdı.
