GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi azərbaycanlı milli fəallar Vədud Əsədi və Yaşar Nikrunu mədəni fəaliyyətlərinə görə həbsə məhkum etdi.
Azərbaycanlı milli fəallar Rəşt şəhərinin İnqilab Məhkəməsinin 3-cü bölməsi tərəfindən həbs cəzasına məhkum ediliblər.
Vədud Əsədi “hökumət əleyhinə təbliğat”, “müxalif qruplara üzv olmaq” və “rəhbəri təhqir etmək” ittihamlarına görə 5 il 6 ay azadlıqdan məhrum edilib.
Yaşar Nikru isə “hökumət əleyhinə təbliğat”da günahlandırılıb və barəsində 1 il həbs qərarı çıxarılıb.
Qeyd edək ki, adı çəkilən fəallar fevralın 6-da həbs edilərək Tehranın Evin həbsxanasına köçürülüb, martın 9-da isə girov qarşılığında müvəqqəti olaraq məhkəməyə qədər sərbəst uaxılmışdılar.
Vədud Əsədi və Yaşar Nikru bundan əvvəl də din mədəni fəaliyyətlərinə görə, bir neçə dəfə saxlanılıblar.
