GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi Şərqi Azərbaycan Vəkillər Birliyinin üzvü Əmir Mehdipur Təbrizdə rejimin Ümumi və İnqilab Məhkəməsinin 1-ci şöbəsi tərəfindən 1 il həbs və 2 il müddətinə ölkədən çıxış qadağa cəzasına məhkum edilib.
Bununla bağlı azərbaycanlı vəkil Əmir Mehdipur türk, ingilis və fars dillərində öz İnstaqram səhifəsində yazıb:
“Mən bir vəkil olaraq insan haqlarını müdafiə etdiyim üçün həbs, ölkədən çıxış qadağası, vəkillik icazəmin ləğv edilməsi və elektron əşyalarımın müsadirəsi ilə cəzlandırılmışam”.
Qeyd edək ki, Əmir Mehdipur 17 oktyabrda rejimin məmurları tərəfindən həbs edilərək Təbriz zindanına köçürülmüş və 27 oktyabrda girov qarşılığında müvəqqəti olaraq məhkəməyə qədər zaminə buraxılmışdır.
