GADTB Güney Azərbaycan Demokratik Türk Birliyi
GADTB: “Mashregh News” saytı yazıb ki, İranın müxtəlif regionlar arasında əlaqə yaratmaq üçün geoiqtisadi imkanları xüsusi üstünlük sayılır və ondan yalnız nəqliyyat və infrastruktur diplomatiyasının uğurlu tətbiqi ilə istifadə edilə bilər. Ermənistanın bu sahədəki rolu, Şimal-Cənub tranziti çərçivəsində, Fars körfəzi-Qara dəniz dəhlizinin aktivləşdirilməsi prespektivindən İran və Avropa arasında tranzit üçün vacibdir.
Bildirilib ki, bu sahədə əlaqələrin və infrastrukturun gücləndirilməsi 90-cı illərdən müzakirə olunub, 2016-cı ildə regional təşəbbüs şəklində razılaşdırılsa da, Qarabağ müharibəsinə qədər onun fəaliyyətinə diqqət yetirilməyib. Müharibənin başlaması və İran-Ermənistan tranzit yolunun bağlanması, eyni zamanda Zəngəzur dəhlizinin İran və Ermənistan arasında bütün əlaqələri kəsmək planının təhlükəsiz şəkildə işə salınmasının əhəmiyyətini artırıb.
Saytın məlumatına görə, Ermənistan hökuməti İranla sərhəddə yerləşən Meğridən İrəvana, oradan isə Gürcüstanla sərəhəddə Gümrüyə qədər 556 kilometrlik Şimal-Cənub magistralının tikintisi planına maraq göstərir. Əgər bu yol tikilərsə, İran mallarının Ermənistanda daşınma müddəti 9 saatdan 5 saata, kilomterə görə isə 1,5-2 dollar ucuzlaşacaq.
Qeyd olunub ki, xarici imkanların yaxşılaşdırılması ilə yanaşı, dəhlizdən optimal istifadə üçün Tehran və Təbrizdən Nurduz sərhədinə (Ermənistanla) qədər yol şəbəkəsindəki çatışmazlıqları aradan qaldırmaq və bununla bağlı 52 km-lik Vərziğan-Nurduz avtomobil yolunun tikintisini həyata keçirmək lazımdır./ Azad İran
