Güney Azərbaycanın Qoşaçay bölgəsində etiraz aksiyası keçirilib

GADTB-nin Mətbuat Mərkəzinə daxil olan məlumata görə, Güney Azərbaycanın Qoşaçay bölgəsində etiraz aksiyası keçirilib.

Sentyabrın 20-də həmin bölgənin Barı kəndinin əhalisi etiraz aksiyası keçirib.

Kəndlilər Barı kəndinin Öküzdağı ərazisində yerləşən “Delfin” daş mədənlərinin qaydasız istismarına görə rejimə narazılııqlarını bildiriblər.

Etirazçı əhalini deyir: “Bölgədə İsfahan şirkətinin istismar etdiyi mədənlərin daşları İsfahan və Simnana aparılır, yerli əhali isə qeyri-standard istismarın törətdiyi fəsadların əziyyətini çəkir”.

Onların sözlərinə görə, İsfahan şirkətinin fəaliyyəti bölgənin ekologiyasına ciddi ziyan vurub, kənd təsərrüfatı zərər görüb, su qaynaqları məhv edilib.

Qeyd edək ki, bölgə və Barı kəndinin sakinləri arasında işsizlik səviyyəsinin yüksək olmasına baxmayaraq, molla rejimin bölgəyə gətirdiyi şirkət işçilərinin əksəriyyətini İsfahandan gətirib.