Molla rejimi Xiyavda hicaba görə şadlıq sarayının fəaliyyəti dayandırdı

GADTB-nin Mətbuat Mərkəzinə daxil olan məlumata görə, Güney Azərbaycanın Xiyav (Meşkinşəhr) şəhərində məcburi hicab qaydalarını pozan qadınlara qulluq edildiyi üçün şadlıq sarayı bağlanıb.

Xiyav şəhərindəki rejimin prokurorluğunun yaydığı məlumatda bildirilib ki, şadlıq sarayının fəaliyyəti “qanuni və dini” qaydaları pozduğuna görə qadağan edilib.

Qeyd edək ki, molla rejimi cari ildə təxminən 3 min iş yerini eyni ittihama görə qapadıb.