GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Marağa şəhərindən olan azərbaycanlı ekofəal və idmançı Mustafa Quluzadə molla rejimin ETTELAAT İdarəsinin basqıları ilə qarşılaşıb.
Artıq rejimin təzyiqləri istiqamətdə Marağa şəhər icra hakimiyyətinin tapşırığı ilə işindən də çıxarılacağı bildirilir.
Məlumata görə, buna səbəb milli fəalın sentyabr ayında “İnstagram” hesabında Urmiya gölünün son vəziyyətinə diqqət çəkməsi üçün etdiyi canlı yayım olub.
Azərbaycanlı fəal canlı yayım zamanı “hər kəs tərəfindən əməli addımların atılması vacibdir” sözlərini işlətməsinə görə təhülkəsizlik qüvvələri tərəfindən polis idarəsinə çağırılaraq təhdid edilib.
Həmçinin hökumət tərəfindən ona və ailəsinə ayrılan müavinət dekabr ayının sonlarında kəsilib. Buna görə də, iki azyaşlı övladı olan ailə çətin vəziyyətdə qalıb.
