GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin yarıtmız siyasəti nəticəsində artıq Təbrizin içməli suyunun böyük hissəsini təmin edən Nəhənd su bəndi quruyub.
Bununla bağlı artıq Təbrizin böyük hissəsinə su verilmir.
Bir neçə gün öncə Şərqi Azərbaycan Su Qurğularının idarəedici direktoru Məhəmməd Xani demişdi ki, “Nəhənd bəndinin 3,5 milyon kubmetr su ehtiyatı qalıb və bu, Təbrizin içməli su təchizatını 1 aydan az müddətə təmin edəcək”.
Qeyd edək ki, Nəhənd su bəndi Şərqi Azərbaycan vilayətində, Təbriz şəhərindən 43 kilometr şimalda, Təzəkənd kəndi yaxınlığında yerləşir və Təbriz şəhərinin su təchizatının demək olar ki, 50%-ni təmin edir.
