GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı hüquqşünas və vəki Sina Yusefi tvitində İran rejiminin ETTELAAT Nazirliyinin etirazçılara və son etirazlarda həbs olunanlara qarşı törətdiyi cinayətlər haqda yazıb.
Azərbaycanlı vəkil yazıb ki, İranın ETTELAAT Nazirliyi təqsirləndirilənlərin cinayət işinə “bu təqsirləndirilən şəxsin cəzalandırılmasına heç bir maneə yoxdur” cümləsini daxil etməklə onların edamına və məhkəmə orqanları tərəfindən cəzalandırılmasına yol açır.
Azərbaycanlı vəkilin fikrincə, Seyid Məhəmməd Hüseyninin edam edilməsinə səbəb də həmin ifadə olub.
Azərbaycanlı hüquqşünas İslam Respublikası məhkəmələrində hələ də işi bağlanmamış qalan insanlara məsləhət görüb ki, bu məlumatları mediada işıqlandırmaqdan qorxmasınlar.
