Molla rejiminin Təbrizdə yaxaladığı Əli Şadidən heç bir məlumat verilmir

GADTB-nin Mətbuat Mərkəzinə daxil olan məlumata görə, irqçi fars-molla rejiminin Təbrizdə yaxaladığı Əli Şadidən heç bir məlumat verilmir.

Azərbaycanlı fəal yalnız yaxalanandan 3 gün sonra bir neçə saniyəlik ailəsi ilə telefon əlaqəsində ETTELAAT İdarəsində həbsdə olduğunu bildirib. Ailənin müraciətlərinə baxmayaraq fəalın vəziyyəti barədə heç bir məlumat verilməyib. Bu isə onun ailəsinin ciddi nigaranlığına səbəb olub.

Hələlik fəalın nədə ittiham edilməsi barədə də heç bir məlumat yayılmayıb.

Qeyd edək ki, Əli Şadi yanvarın 2-də rejimin məmurları tərəfindən yaxalanıb. Məmurlar məhkəmə qərarı olmadan evə hücum edib, axtarış apararaq, fəala məxsus kompüter və kitabları müsadirə ediblər.