PKK-nın sığınacaqları məhv edildi

GADTB-nin Mətbuat Mərkəzinə daxil olan məlumata görə,Türkiyənin Bingöl vilayətində PKK terror təşkilatına məxsus 26 sığınacaq məhv edilib. Təhlükəsizlik qüvvələrinin həyata keçirdiyi antiterror əməliyyatı nəticəsində terrorçulara məxsus çox sayda partlayıcı və digər ləvazimat ələ keçirilib.

Digər tərəfdən isə Türkiyənin Batman rayonunda PKK terrorçuları ilə türk əsgəri arasında qarşıdurma yaşanıb. PKK-çılar bölgədə antiterror əməliyyatı aparan türk əsgərlərini pusquya salıb. Atışma zamanı 1 türk əsgəri şəhid olub, 2-si yaralanıb.

Hadisədən sonra ərazidən qaçan terrorçuların tapılması istiqamətində axtarışlara başlanılıb.