GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, yanvarın 8-də Ağ Evin qarşısında Vaşinqtonda yaşayan qazaxıstanlıların və başqa türklərin aksiyası keçirilib.
Aksiyada “Putin, Qazaxıstandan əlini çək”, “KTMT ordusu Qazaxıstanı tərk etsin”, “Tokayev istefa”, “İnternet bərpa edilsin”, “Biz terrorist deyilik, xalqıq”, “Putin, Qazaxıstandan çıx” kimi şüarlar səsləndirilib və plakatlar qaldırılıb.
Həmçinin Nazarbayevin də əleyhinə şüarlar səsləndirən aksiyaçılar və çıxışçılar olayların səbəbkarları kimi Nazarbayev-Tokayev cütlüyünü göstəriblər.
Aksiyanın keçirildiyi məkanda, yəni Ağ Evin önündə qazaxlardan bir az əvvəl rus müdaxiləsindən işğalından əzab çəkən başqa bir xalqın – ykraynalıların da Rusiya əleyhinə aksiyası olub.
Aksiyaları başa çatan ukraynalıların çoxusu meydanı tərk etməyərək Ukrayna bayraqları və çıxışları ilə Qazaxıstana dəstəklərini ifadə ediblər.
Aksiyada Azərbaycan adına qızı ilə iştirak edən ABŞ-da yaşayan soydaşımız, tanınmış diaspor fəalı Zaur Bayramlı isə rus imperializminin coğrafiyamızdakı fəsadları ilə bağlı Ukrayna televiziyasına müsahibə verib.
