Çərşənbə axşamı , İyun 18 2024
azfa

Qazaxıstan Rusiyadan tam imtina edir: Azərbaycandan neft ixrac ediləcək

GADTB-nin Mətbuat Mərkəzinə daxil olan məlumata görə, Qazaxıstan ixrac potensialını artırmaq üçün 10 gəmidən ibarət özünün bərə donanmasını, həmçinin Xəzər dənizində yeni liman qurmağı planlaşdırır.

Bu barədə Qazaxıstanın Sənaye və İnfrastrukturun İnkişafı Nazirliyi yanında Nəqliyyat Komitəsinin sədri vəzifəsinin müvəqqəti icraçısı Qasım Tlepov deyib.

Onun sözlərinə görə, mövcud iqtisadi şəraitdə ölkə təcili olaraq tranzit imkanlarını artırmalı, həmçinin ticarət infrastrukturunu yaxşılaşdırmalıdır.

O qeyd edib ki, Nur-Sultanın cəmi dörd quru yük gəmisi var və Azərbaycan regionda yükdaşıma sahəsində liderdir:

“Qazaxıstan heç vaxt dəniz ölkəsi olmayıb və buna görə də dəniz nəqliyyatı imkanlarından tam istifadə etməyib. İndi başqa zamandır”, – Tlepov izah edib.

O, həmçinin əlavə edib ki, Aktauda yeni yük terminalı tikiləcək. Tikintidə beynəlxalq şirkətlər, xüsusilə konteyner operatorları “Maersk”, MSC və “COSCO Shipping” iştirak edəcək.

“Bu gün biz konteyner qıtlığını yaşayırıq”, – deyə Tlepov bildirib.

Qeyd edək ki, Qazaxıstan Prezidenti Qasım-Jomart Tokayev artıq neft və qazın Rusiyadan yan keçməklə, Azərbaycandan keçməklə dünya bazarına çıxarılması barədə tapşırıq verib.

Həmçinin yoxlayın

Təbriz əhalisinin vergi pulu ilə alınan metro vaqonları İsfahana aparılıb

GADTB: Təbriz əhalinin vergi pulu ilə alınan Təbriz metrosu üçün alınan metro vaqonları İsfahan şəhərinə …

Sayın Sara xanım Azərsunun İranın azərbaycanlı fəalları ədalətsiz və qapalı mühakimə etməsi ilə bağlı Avstraliya rəsmilərinə müraciətinə cavab gəlib-Şəkil

GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyi (GADTB) İnsan və …