GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim tanınmış azərbaycanlı milli-mədəni fəal, şair və yazıçı Rəhim Qulami Ərdəbildə yerləşən Apelyasiya Məhkəməsinin 1-ci şöbəsinə çağırdı.
Rejimin məhkəməsinin elektron formada göndərdiyi çağırış məktubuna əsasən azərbaycanlı fəal avqustun 27-də rejimin Ərdəbildə yerləşən Apelyasiya Məhkəməsinin 1-ci şöbəsinə müraciət etməlidi.
Azərbaycanlı fəal şərlənərək rejimin Ərdəbildə yerləşən İnqilab Məhkəməsinin 1-ci şöbəsində “GAMAC” təşkilatına üzv olmaqda və internetdə sistemin əleyhinə təbliğat aparmaqda, eləcə də Xomeynini təhqir etməkdə ittiham edilmişdir. Fəal birinci iki ittihamdan artıq bəraət almış, lakin hakim Xudadadi fəalı Xomeynini təhqir etmək ittihamı ilə 1 il həbsə məhkum edib.
Azərbaycanlı fəal hələlik 50 milyon tümənlik mülki vəsiqə qarşılığında rejimin Ərdəbildə zindanından müvəqqəti olaraq zaminə buraxılıb.
