GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim azərbaycanlı milli-mədəni fəal Süleyman Kazimini azərbaycanlıların təhqir edilməsinə dözmədiyi üçün 7 aylıq həbs cəzasına məhkum edib və dünən fəalı zindana saldı.
Azərbaycanlı fəalın həbs hökmü fevralın 3-də icra olunub və o Şərqi Azərbaycan vilayətinin Əhər şəhərinin zindana salınıb.
Qeyd edək ki, Kazimi 2015-ci il noyabrın 12-də rejimin televiziyasına azərbaycanlıların təhqir edilməsi istiqamətində yayılan “Fitilə” televiziya proqramına qarşı keçirilən etiraz aksiyalarında iştirak etdiyi üçün 6 nəfər azərbaycanlı fəalla birlikdə Əhər şəhərində yaxalanmışdır.
Rejimin Şərqi Azərbaycanda yerləşən Apellyasiya Məhkəməsinin 3-cü şöbəsi 2018-ci ilin sentyabr ayında Süleyman Kazimi və onunla birlikdə saxlanılan fəallar barəsində birinci instansiya məhkəməsinin çıxardığı həbs qərarını olduğu kimi qüvvədə saxlayıb.
Azərbaycanlıların təhqir olunmasına etiraz olaraq keçirilən etirazlarda rejim çox sayda azərbaycanlı fəalı yaxalamışdır.
