GADTB-nin Mətbuat Mərkəzinin əldə etdiyi məlumata görə, irqçi fars rejimi Urmiya gölünü qurutduğu üçün Azərbaycan türklərinin etirazından sonra rejim gölün bərpasına dair çox sayda yalan vədlər verib. Həmin vədlərdən biri də Van gölündən Urmiya gölünə suyun çəkilməsi idi.
İrqçi fars rejimin Ətraf Mühiti Mühafizə Təşkilatının rəisi İsa Kələntəri müxbirlərlə müsahibəsində etiraf edib ki, Van gölündən Urmiya gölünə suyun çəkilməsi ancaq söz-söhbət idi və bu barədə qərar verilməyib.
Qeyd edək ki, əhalinin Urmiya gölünün qurudulmasına etirazlardan sonra Ruhani Güney Azərbaycana səfər edəndə Van gölündən Urmiya gölünə suyun çəkilməsi məsələsi gündəmə gəlmişdi və millət vəkilləri də ağız dolusu bu məsələdən və Vəddən söz açırdılar. Lakin bu etirafdan sonra rejimin bu vədinin də yalan olduğu öz təsdiqini tapdı.