Çərşənbə axşamı , Noyabr 17 2026
azfa

Rejimin həbs etdiyi Mehdi Kuxian aclıq aksiyasına başlayıb

GADTB-nin Mətbuat Mərkəzinə daxil olan məlumata görə, işğalçı fars rejimin aprelin 8-də həbs etdiyi azərbaycanlı milli-mədəni fəal və “Şəhre xəbəre Məlikan” Teleqram kanalının müdiri Mehdi Kuxiyanın aclıq aksiyasına başlayıb.

Azərbaycanlı fəal öz ailəsi ilə qısa telefon əlaqəsi saxlayaraq, aprelin 9-da aclığa başladığını bildirib.

Mehdi Kuxiyanın yaxınlarının bildirdiyinə görə, azərbaycanlı fəalın saxlanması Məlikanın millət vəkili Salman Xudadadinin müdaxiləsi və sifarişi ilə baş verib. Onun fəalla bağlı hansı ssenari üzərində işlədiyi isə hələlik məlum deyil.

Qeyd edək ki, Mehdi Kuxiyan 2017-ci il yanvar ayında  Məlikan prokuroru və bələdiyyə başçısının şikayəti əsasında Marağanın kiber polisi tərəfindən yaxalanmışdı. Birinci günlərdə Polis İdarəsinin təcridxanasında saxlanılan fəal sonra Marağa zindanına intiqal edilib. O saxlandığı gündən aclığa başlayıb və aksiyasını 28 gün davam etdirib. Aclıq aksiyasının son günlərində dodaqlarını tikən fəal nəhayət 2017-ci il fevralın 11-də 300 milyon tümənlik mülki vəsiqə qarşılığında sərbəst buraxılıb.

Mehdi Kuxiyan 2018-ci ilin mart ayında rejimin Marağada yerləşən İnqilab Məhkəməsinin 1-ci şöbəsi tərəfindən 18 ay həbs cəzasına məhkum edilmişdi. Fəal islam cümhuriyyətinin əleyhinə olan kanal, qrup və təşkilatların xeyirinə sistemə qarşı təbliğat aparma ittihamı ilə həbs cəzasına məhkum edilmişdir.

 

Həmçinin yoxlayın

Sevginin anası 277 günlük mübarizə sonra övladı üçün Tehran Vətəndaşlıq Qeydiyyatı İdarəsindən doğum şəhadətnaməsi ala bildi

GADTB: Şimali Xorasan vilayətinin Şirvan rayonundan olan, Tehranın Bumehn şəhərində yaşayan xorasanlı türk ana 9 …

Britaniya: İran İslam Respublikasının nüvə silahı əldə etməsinə imkan verə bilmərik

GADTB: Britaniyanın baş naziri Endi Börnham bildirib ki, ölkəsinin hökuməti ABŞ və İsrailin İranla müharibəsinə …

Bir cavab yazın