Rusiya Baş Qərargah rəisi və NATO-nun Avropada Birləşmiş Hərbi Qüvvələrinin komandanı Bakıda görüşür

GADTB-nin Mətbuat Mərkəzinə daxil olan məlumata görə, Rusiya Silahlı Qüvvələrinin Baş Qərargah rəisi Valeri Gerasimov və NATO-nun Avropada Birləşmiş Hərbi Qüvvələrinin baş komandanı Kartis Skaparotti Bakıda görüşəcəklər.

Valeri Gerasimov bu gün Bakıya işgüzar səfərə gəlib. Onun səfərinin məqsədinin Kartis Skaparotti ilə görüş olduğu bildirilir.

Qeyd olunur ki, tərəflər Rusiya və NATO-nun Avropa regionunda hərbi fəaliyyətini, həmçinin Suriyadakı vəziyyəti müzakirə edəcəklər.

Səfər zamanı Valeri Gerasimovun Azərbaycan prezidenti İlham Əliyevlə də görüşü nəzərdə tutulub.