GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Rusiya Ukraynadakı müharibəyə Bəşər Əsədin terrorçuları ilə yanaşı və Livanın İran tərəfindən yetişdirilən “Hizbullah” terror qruplaşmasının muzdlularını cəlb edir.
Bu barədə Ukrayna Silahlı Qüvvələrinin Baş Qərargahı məlumat yayıb.
Bildirilib ki, Rusiya Silahlı Qüvvələrinin komandanlığı şəxsi heyətin itkilərinin əcnəbilər hesabına ödənilməsi üçün tədbirlər görməyə davam edir.
“Yeni məlumata görə, Rusiya işğalçıları artıq Bəşər Əsəd terrorçuları və “Hizbullah” terror təşkilatının terrorçularından ibarət 1000-ə yaxın muzdlu toplayıb. Xarici döyüşçülər üçün əsas tələb şəhərdə döyüş təcrübəsidir. Eyni zamanda, mövcud məlumata görə, sözügedən terrorçular Ukrayna ərazisində hərbi əməliyyatlarda iştirak etmək deyil, ezamiyyətlərindən Avropa ölkələrinə getmək fürsəti kimi istifadə etmək məqsədi güdürlər”, – məlumatda deyilir.
