GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Rusiyan ordusu Ukrayna ərazisinə hərbi təcavüzə başladı.
Rusiyanın Müdafiə Nazirliyi bu dəqiqlərdə bəyan edib ki, səhər saatlarından etibarən endirilən raket zərbələri nəticəsində Ukraynanın hava hücumundan müdafiə sistemi sıradan çıxarılıb. Nazirlik habelə bu ölkənin aviasiya bazalarının hərbi infrastrukturunun da sıradan çıxarıldığını bildirir. “Rusiya silahlı qüvvələri Ukraynanın şəhərlərinə raket, aviasiya və ya artilleriya zərbələri endirmir, mülki əhali üçün heç bir təhdid yoxdur”,-məlumatda bildirilir.
Ukrayna Silahlı Qüvvələrinin Baş qərargahı isə bildirir ki, ölkənin şərqində Rusiya Hava Kosmik Qüvvələrinin beş təyyarəsi və vertolyotu vurulub. Quru Qoşunlarının komandanlığı dəqiqləşdirib ki, uçan aparatlar Luqansk vilayətində sıradan çıxarılıb.
Ukrayna ordusu Ukraynanın şərqində Rusiyaya məxsus döyüş təyyarəsini vurduğunu bildirib.
Ukraynanın Xarkov vilayətinin Çuquyev şəhərində hərbi aerodromun vurulduğu iddia edilir. Ukraynanın teleqram kanallarında aerodromun yanmasını əks etdirən kadrlar yayılıb.
