Səttarxan serialına azərbaycanlılarla yanaşı lorlar da etiraz edir

GADTB-nin Mətbuat Mərkəzinin əldə etdiyi məlumata görə, irqçi fars rejiminin diktəsi ilə çəkilən Səttarxan serialı Azərbaycan türklərindən sonra lorların da etirazına səbəb olub.

Məlumata görə, qeyri-fars millətlərin təhqir edildiyi Səttarxan serialını azərbaycanlılarla yanaşı Losristan əhalisi də  narazılıqla qarşılayıblar. Serial fars rasizminin ideologiyası əsasında çəkildiyi üçün bütün xalqlara, xüsusilə Azərbaycan türk millətinə qarşı təhqirdir.

Azərbaycanlı fəalların etirazından sonra bir qrup lor millət vəkili İran Teleradio Şirkətinə məktub yazaraq, serialda “lor və bəxtiyari” tayfalarının təhqir olunduğunu qeyd edərək, onun yayınlanmasına kəskin etiraz ediblər.

Qeyd edək ki, İran adlanan ölkədə çəkilən Səttarxan serialına azərbaycanlılar və hətta Səttarxanın nəslindən olan qohumları da öz etirazlarını bildirmişlər.