GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin zindanlarında baş verən üsyanların davamında Şirazın Adilabad zindanında üsyan baş verib.
Fars vilayətinin Prokurorluğunun rəisi Kazım Musəvi üsyana toxunaraq deyib: “Bazar günü, gecə saatlarında Şirazın Adilabad zindanının 2 bölməsində problemli məhbusların saxlanıldığı yerdə üsyan baş verib. Üsyanı zindandakı 3 məhbus başladıb. Üsyanı başladan məhbuslar həbsxananın kameralarını sındırıblar. Ancaq təhlükəsizlik qüvvələrinin müdaxiləsi ilə hər şey nəzarətə alınıb”.
Qeyd edək ki, bundan öncə koronavirusun geniş yayılması səbəbi ilə virusdan qorunmaq istəyən müxtəlif zindanla müvəqqəti azadlıq tələb etmiş, tələblərini eşitdirmək üçün üsyanlar qaldırmışlar. Təbriz, Həmədan Mahabad, Saqqız və s. şəhərlərin zindanlarında üsyan baş verib. Saqqız zindanında 80 nəfər məhbus qaçmağa müvəffəq olub.
