Şorabil gölündə çirklənmə nəticəsində balıqlar məhv olur

GADTB-nin Mətbuat Mərkəzinə daxil lan məlumata görə, baxımsızlıq nəticəsində Ərdəbilin Şorabil gölünün çirklənmə və ekoloji problem yaranıb. Nəticədə göldə yaşayan balıqlar və digər canlılar məhv olur.

Həmin gölünün çirklənmə səbəbi hələlik dəqiq müəyyən edilməsə də, şəhər kanalizasiyası və sənaye müəssisələrinin çirkab sularının gölün ətrafına axıdılmasının ekoloji problemə səbəb olduğu güman edilir.

Bir müddət əvvəl yayılan məlumatlarda isə zəhərli sənaye tullantıları və xəstəxanaların tibbi tullantılarının Şorabil gölünə buraxıldığı bildirilib.

Qeyd edək ki, İranda yeganə şəhər daxili təbii göl olan Şorabil g[lw Ərdəbil əyalətinin mühüm turizm imkanlarından biridir və təbii irs sahəsində xüsusi əhəmiyyət kəsb edir.

Şəhərin 3 kilometr güneyində, 1 kilometr uzunluğu, 500 metr eni və 180 hektar ümumi sahəsi olan göl dəniz səviyyəsindən 1350 metr yüksəklikdə yerləşir.