GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, molla rejimi Təbriz Universitetinin xanım öyrəncisi Sədəf Heydərini heç bir məlumat verilmədən Universitetdən qovulub. Öyrəncinin təhsilinə də qadağa qoyulub.
Molla rejimin məmurları Sədəf Heydərinin Təbriz Universitetinin yataqxanasındakı otağına hücum edib, axtarış aparıb və ona məxsus bir sıra əşyaları müsadirə edib, öyrəncini isə oradan çıxarıblar.
Məmurlar və Universitet rəhbərliyi Sədəf Heydərinin Universitetdən və yataqxanadan qovulması səbəbləri ilə bağlı açıqlama verməyiblər.
Azərbaycanlı öyrəncinin yaxınları isə onun İbrahim Rəisinin ölümü ilə bağlı paylaşımlarına görə cəzalandırıldığını deyirlər.
Qeyd edək ki, Sədəf Heydəri bundan əvvəl 2022-ci ilin sentyabr etirazlarında da həbs edilib və təzyiqlərə məruz qalmışdı.
