GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimi hətta Təbriz 2018-in açılış mərasimində türk milləti ilə düşmənçilik etdiyi üçün Azərbaycan türk milləti özü ayrıca milli rəqs qruplarının iştirakı ilə Güney Azərbaycanın Təbriz şəhərinin “El gölü” parkına “Təbriz 2018” layihəsi üçün açılış mərasimi keçiriblər.
Açıllış mərasimi Azərbaycan bayrağı rənglərinin əks olunduğu bannerin nümayiş etdirilməsi ilə başlayıb. Bannerin üzərində türk dilində “Burası Azərbaycan, “Təbriz 2018”, Azərbaycanın milli rəqs qrupları” və ingilis dilində “Təbriz 2018”ə xoş gəlibsiniz” sözləri yazılıb.
Əhalinin böyük rəğbətini qazanan mərasimin sonunda “Qardaşa qardaşıq biz – Düşmənə düşmənik biz” və “Özgürlüklə hürriyyət – Yaşasın mədəniyyət” kimi şüarlar səsləndirilib.
Əhalinin keçirdiyi mərasimə rəsmi icazə verilməyib və irqçi fars rejiminin qüvvələri gənc fəalları həbs etmək istəsələr də iştirakçılar buna mane olublar.
