Təbrizdə molla rejimin həbsdə saxladığı azərbaycanlı məhbuslara dəstək aksiyası keçirilib

GADTB: Təbrizə Güney Azərbaycan Milli Hərəkatının fəalları molla rejimin Evin zindanında həbsdə saxladığı azərbaycanlı siyasi məhbuslara dəstək məqsədi ilə şəhərin müxtəlif yerlərinə etiraz vərəqələri yapışdırıblar.

Azərbaycanlı siyasi məhbusların bəzilərinin şəkli olan etiraz vərəqələrində aşağıdakı şüarlar yazılıb:

– “Azərbaycanın siyasi məhbuslarına azadlıq!”;

– “Azərbaycanın siyasi fəallarının səsi olaq!”;

– “Məhbusların həyatı təhlükədədir!”.

Qeyd edək ki, bu dəstəyin məqsədi, son günlər aclıq aksiyası keçirən Tahir Nəqəvi və Vədud Əsədiyə qarşı keçirilən ədalətsiz məhkəmə prosesinə etiraz etmək və onların haqlı tələblərinin yerinə yetirilməsidir.