GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Təbriz Bələdiyyəsinin Kommunikasiya və Beynəlxalq Əlaqələr üzrə direktoru Səid Hacızadə Təbrizin Türkiyənin Bursa şəhəri ilə qardaşlaşdığını elan edib.
Təbriz Bələdiyyəsinin ictimaiyyətlə əlaqələr şöbəsindən verilən məlumata görə Səid Hacızadə Təbriz və Türkiyənin 4-cü böyük şəhəri Bursanın bir çox ortaq cəhətlərinin olduğunu deyib.
Səid Hacızadə deyib ki, şəhər idarəçiliyi sahəsində elmi və praktik məlumatların mübadiləsi, turizm sektorunun inkişafı, tacirlərin və istehsalat fəaliyyətlərinin təşviqi üçün kordinasiyalı əməkdaşlıq, Təbriz şəhərinin potensial imkanlarını tanıtmaq və Bursanın mədəniyyət və ədəbi dairələri ilə əlaqələr qurmağın bu qardaşlığın məqsədlərindəndir.
