GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejiminin Xiyovdakı məhkəməsi tanınmış azərbaycanlı fəal İbrahim Rəşidini (Savalan) məhkəməyə çağırıb.
Azərbaycanlı fəal bununla bağlı sosial şəbəkələrdə məlumat paylaşıb.
O yazıb ki, fevral ayının 4-də Meşgində (Xiyov) polis idarəsindən onunla əlaqə saxlayıb və Süngün misi barədə Kermanla Azərbaycan deputatları arasında mücadilə məsələsi ilə bağlı yazdığım yazıya görə izahat istəyiblər.
Azərbaycanlı fəal isə ayın 5-də istənilən mərkəzə müraciət edib və sorğu-suala tutulub. O bu barədə həmçinin yazıb:
“Polis İdarəsinə müraciət etdim. Dosyeyə baxan məsul şəxs həmin yazını yazmaqda məqsədimlə bağlı suallar soruşdu və dedi ki, göstəriş verilib səni dosye ilə birgə məhkəməyə təhvil verək.”
Azərbaycanlı fəal bildirib ki, Meşgində Prokurorluğun ikinci şöbəsinə təhvil veriləndən sonra müstəntiq olmadığı üçün iclas təxirə salındı:
“Çox ehtimal ki, növbəti iclasda ittiham irəli sürüləcək. Ya bəraət veriləcək və ya məhkəməyə qədər zaminə buraxılmaq üçün zindana salınacağam.
Qeyd edək ki, İbrahim Rəşidi (Savalan) milli-mədəni fəaliyyətləri ilə bağlı dəfələrlə təzyiqlərlə qarşılaşıb.
