Tatar türklərinin Krım yarımadasında böyük dövlətlər arasında gərginlik artıb

GADTB-nin Mətbuat Mərkəzinin əldə etdiyi məlumata görə, ABŞ Silahlı Qüvvələrinin radioelektron kəşfiyyatına məxsus təyyarə tarixi türk yurdu Krım sahillərinə yola düşüb.

Təyyarə Yunanıstanın Krit adasındakı bazadan uçub. Qara dəniz akvatoriyasına tərəf istiqamət götürüb. Bu gün Moskva vaxtilə saat 09.30 radələrində təyyarə Bolqarıstan üzərində görünüb.

Xatırladaq ki, Ukrayna və Rusiya arasında gərginlik 25 noyabrda başlayıb. Rusiya tərəfi Ukraynaya məxsus 3 gəminin bu ölkənin sərhədlərini pozduğunu əsas gətirərək təhlükəli manevrdə ittiham edib və atəş açıb. 3 ukraynalı hərbçi yaralanıb.

Xatırladaq ki, bu gün saat 17.00-da Ukrayna Ali Radası ölkədə fövqəladə vəziyyət rejiminin tətbiqini müzakirə edəcək.