GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İranda etirazçı öyrəncilərə qarşı təzyiqlər davam edir.
Tehran İncəsənət Universitetinin ən azı 40 xanım öyrəncisinin ali məktəbə girişi qadağan edilib.
Bu barədə İran Tələbə Həmkarlar İttifaqı Şuralarının yaydığı bəyanatda deyilir.
Məlumata görə, universitetin evli tələbələri üçün nəzərdə tutulan yataqxanasında yaşayan 20 tələbənin də bir semestr müddətinə təhsili dayandırılıb.
Bəyanatda tələbələrə qarşı təzyiqlərin daha da gücləndiyi, onların təhsil hüquqlarının pozulması ilə bağlı hallarının artdığı qeyd edilib.
Məlumata görə, təhsildən uzaqlaşdırılan tələbələrə qarşı “Universitet işlərində qarışıqlıq və pozuntu yaratmaq” kimi saxta ittihamlar irəli sürülüb.
