ABŞ prezidenti Donald Tramp Həsən Ruhani ilə ilkin şərt olmadan görüşməyə hazır olduğunu bildirib. Bunu D.Tramp Ağ Evdə İtaliyanın baş naziri Cuzeppe Konte ilə birgə keçirdiyi mətbuat konfransında bəyan edib.
Tramp deyib: “Görüşlərin səmərəliliyinə inanıram. Onların təşəbbüslə çıxış etdiyi təqdirdə istənilən vaxt görüşməyə hazıram. Heç bir ilkin şərt olmadan. İran tərəfi görüşmək istəyirsə, mən hazıram”.
Qeyri-konstruktiv mövqeyə malik olan irqçi və işğalçı fars rejimi isə ABŞ-ın nüvə razılaşmasına qayıtmasını ilkin şərt kimi irəli sürür.
Bu barədə Ruhaninin müşaviri Həmid Abutalebi özünün “Twitter”ində məlumat yazıb.
Abutalebi yazıb: “İranın hüquqlarına hörmət, düşmənçiliyin aradan qaldırılması, nüvə razılaşmasının icrasının bərpası. ABŞ və İran arasında danışıqlara yol açmaq üçün atılacaq addımlar bunlardır”.